IRANI ka konfirmuar se Ajatollah Ali Khamenei, udhëheqësi suprem i Iranit, ka vdekur. Në llogarinë e tij në Twitter është postuar mesazhi i mëposhtëm.
“Në emrin fisnik të Hajdarit (Imam Aliut), paqja qoftë mbi të. Pa të nuk ka qiell apo tokë. Pa të nuk ka dashuri si Zejnebi”
“Hajdar” është një nga emrat/titujt nderi të Imam Aliut (Ali ibn Abi Talib), dhe fraza “alaihi salaam” do të thotë “paqja qoftë mbi të” dhe përdoret si shenjë respekti..
Presidenti amerikan Donald Trump ka konfirmuar gjithashtu se ai ka vdekur.
Më herët sot, zyrtarë të lartë izraelitë u thanë disa mediave se ajatollahu kishte vdekur. Sipas mediave izraelite, trupi i tij u gjet në rrënojat e një pallati. Iran International gjithashtu njoftoi se ajatollahu kishte vdekur. Kanali 12 i Izraelit raportoi gjithashtu se kryeministrit Benjamin Netanyahu dyshohet se iu paraqit dokumentacioni mbi trupin e Khameneit.
Festime në rrugët e Teheranit
Pamjet e festimeve në Teheran pas njoftimit të vdekjes së Ajatollah-ut po përhapen në rrjetet sociale.
