Ambasada e Gjermanisë në Prishtinë ka zgjedhur platformat sociale për të përcjellë urimet më të përzemërta me rastin e 18-vjetorit të Pavarësisë së Republikës së Kosovës.
Përmes një komunikate zyrtare, diplomacia gjermane nënvizoi se Berlini ndjehet krenar për partneritetin e pathyeshëm me Kosovën, një lidhje e nisur herët dhe e betonuar në çdo hap të shtetndërtimit.
“Nga Berlini në Prishtinë, sot festojmë në një frymë të përbashkët. Gjermania dhe Kosova qëndrojnë të bashkuara rreth vlerave të demokracisë, lirisë dhe respektit reciprok. Si një ndër shtetet e para që legjitimoi pavarësinë tonë, Gjermania mbetet e përkushtuar ndaj këtij bashkëpunimi që u rrit dhe u forcua ndjeshëm ndër vite”, theksohet në njoftim.
“Janë rreth 600,000 kosovarë në Gjermani ata që shërbejnë si urë e gjallë lidhëse mes dy vendeve tona. Tashmë në moshën e pjekurisë, Kosova dëshmohet si një tregim i mirëfilltë suksesi. Le të bashkëpunojmë tutje për të hartuar kapituj të rinj drejt një të ardhmeje të ndritur e të përbashkët. Gëzuar Ditën e Pavarësisë!”./lajmishqip.net