Kryeministri i Republikës së Kosovës, Albin Kurti, priti me një ceremoni të lartë shtetërore homologun e tij nga Shqipëria, Edi Rama, në një takim dypalësh me peshë të veçantë politike.
Avancimi i marrëdhënieve ndërshtetërore, zbatimi i marrëveshjeve të nënshkruara, projektet kapitale në infrastrukturë dhe prioritetet strategjike për këtë mandat, përbënin boshtin e diskutimeve të nivelit të lartë.
Kreu i qeverisë shqiptare uroi Kurtin për fitoren në zgjedhjet e fundit dhe konstituimin e ekzekutivit, ndërkohë që kryeministri i Kosovës shprehu gatishmërinë për forcimin e lidhjeve mbarëkombëtare në shërbim të qytetarëve të të dyja vendeve.
Partneriteti i viteve të fundit ka rezultuar me unifikimin e teksteve shkollore, jetësimin e hekurudhës Prishtinë-Durrës, lehtësimin e lëvizjes kufitare dhe koordinimin e plotë në sferat e energjisë, sigurisë dhe zhvillimit ekonomik mbarëkombëtar./lajmishqip.net
