Të dhënat më të reja të publikuara nga Komisioni Qendror i Zgjedhjeve (KQZ) tregojnë se Lëvizja Vetëvendosje (VV) po i afrohet pragut simbolik të 50%, duke arritur në 49.18% të votave, në kohën kur janë numëruar 1,236 nga 2,557 vendvotime (rreth 48.34%, afërsisht gjysma e vendvotimeve). Ky përditësim e forcon edhe më shumë trendin e rritjes së VV-së dhe e konsolidon epërsinë e saj në rezultatet preliminare.
Pas VV-së, PDK renditet e dyta me 19.99%, ndërsa LDK mban vendin e tretë me 14.01%. AAK figuron me 7.11%, Lista Serbe me 3.52%, ndërsa Nisma me 1.51%. Deri në këtë fazë, në sistem janë përpunuar rreth 398,150 vota, me përditësime të vazhdueshme.
KQZ rikujton se rezultatet mbeten preliminare dhe priten ndryshime të mundshme me vazhdimin e numërimit dhe përfshirjen e të dhënave nga vendvotimet e mbetura. /lajmishqip.net
