Për të 50-ën herë me radhë, Kuvendi i Kosovës ka dështuar të konstituohet, duke thelluar krizën institucionale dhe politike në vend. Seanca e së hënës, e cila u ndoq me vëmendje të paktë dhe me një ndjenjë të theksuar dekurajimi, përfundoi pa asnjë rezultat, ngjashëm si 49 herët e mëparshme.
Bllokada vazhdon të jetë e ankoruar në pikën e zgjedhjes së kryetarit të Kuvendit, ku partitë politike nuk po gjejnë gjuhë të përbashkët. Mungesa e konsensusit mes Lëvizjes Vetëvendosje si partia fituese dhe bllokut opozitar ka paralizuar jetën legjislative, duke lënë pezull ligje të rëndësishme dhe duke rrezikuar miliona euro fonde nga Bashkimi Evropian.
Ky teatër absurd politik, tashmë në tentativën e tij të 50-të, po kthehet në një barrë të rëndë për qytetarët dhe po dëmton rëndë imazhin e Kosovës.
