Qeveria e Republikës së Kosovës do të mbajë mbledhjen e radhës nesër, ku pritet të shqyrtohen 14 pika të rendit të ditës. Takimi, i drejtuar nga kryeministri Albin Kurti, do të nisë në ora 09:00.
Sipas dokumentit të siguruar nga IndeksOnline, disa nga çështjet kryesore që do të diskutohen përfshijnë:
- Projekt-rregulloren për mekanizmin koordinues lokal për mbrojtje nga dhuna në familje, dhuna ndaj grave dhe dhuna në baza gjinore.
- Projekt-udhëzimin administrativ për linjën telefonike emergjente për viktimat e dhunës.
- Draftin e programit për zhvillim rajonal të balancuar.
- Propozim-vendimin për themelimin e Komisionit për Narkotikë.
Këto dhe pika të tjera të rendit të ditës pritet të diskutohen dhe miratohen nga kabineti qeveritar gjatë mbledhjes së sotme.
