Forcat ukrainase kanë arritur të shkatërrojnë konvojin e autoblindave ruse, gjatë tentimit të tyre të thyejnë vijën mbrojtëse të ukrainasve në Vremivka.
“Edhe një ditë, pushtuesit sulmuan pozicionet tonë mbrojtëse në afërsi të Novyi Komar – por e pësoi keq konvoji i autoblindave dhe tankeve, ku tre tanke dhe shumë mjete të blinduara u shkatërruan”, u tha nga shtabi i përgjithshëm i ushtrisë ukrainase, transmeton Telegrafi.
Ushtarët e Zelensky gjithashtu bënë të ditur se ishin dronët kamikaz që arritën të godasin rëndë konvojin e ushtrisë ruse – duke i shkaktuar humbje si në makineri luftarake ashtu dhe në ushtarë.
Pamjet e publikuara nga ajri, shfaqin betejën e ashpër që u zhvillua mes ukrainasve dhe rusëve në Velyka Novosilka.
Aty shihen tanket dhe autoblindat që janë shkatërruar dhe kapluar nga zjarri, si pasojë e sulmeve me dronë kamikaz dhe artileri./Telegrafi
