Kuvendi i Kosovës do të mbajë seancë plenare të enjten, më 26 shtator.
Në rend të ditës janë në shqyrtim pikat nga seancat e kaluara, ku përfshihet edhe marrëveshjet ndërkombëtare.
Për këto të fundit, shefja e grupit parlamentar të LVV-së, Mimoza Kusari-Lila u shpreh optimiste se do të miratohen.
Krahas kësaj, ajo tha se Kosova është në pritje të skanerëve për skanimin e mallrave, në kuadër të masave të sigurisë ndaj produkteve serbe.
Për këto masa, Kusari-Lila tha se qeveria po punon për modalitet për zgjidhjen e këtij problemi, pas presionit gjerman.
Ndërkaq, shefi i Grupit Parlamentar të PDK-së, Abelard Tahiri, tha se do të kërkojnë në seancat e radhës shkarkimin e bordit të RTK-së.
Ai kritikoi edhe qeverinë për izolim të Kosovës.