Shërbimit sekret dhe ushtarak izraelit iu deshën plotë 41 vite për ta gjetur dhe eliminuar fizikisht. Katër dekada gjueti ndaj komandantit të lartë të Hezbollah, për të cilin edhe SHBA kishte dhënë një shifër marramendëse si shpërblim për kapjen, 7 mln dollarë.
Ibrahim Aqil akuzohej si organizatori i masakrës së marinsave amerikanë, por edhe si ‘truri’ i sulmeve të 7 Tetorit të kaluar në Izrael, u u vranë dhjetëra dhe morën peng qindra qytetarë vendas dhe të huaj nga Hamasi.
IDF izraelite njoftoi dje (20 Shtator) se Aqil u vra gjatë një sulmi të organizuar në mbledhjen e shtabit të lartë të Hezbollah, në Radwan, shkruan “La Repubblica”.
Dy valët e sulmeve duke përdorur ngarkesa mikroeksplozive të fshehura në pager dhe telekomandë të blerë nga grupi libanez Hezbollah më 17 dhe 18 Shtator, që lanë mbi 30 të vrarë, mbi 4 mijë të plagosur dhe të paktën 500 të verbuar, mendohej të ishin faza e hapjes së Izraelit të një konflikti të gjithanshëm në Liban. Prej ditësh Izreli ka zhvendosur ushtrinë nga Gaza Jugore për në atë Veriore.
Hezbollahu është ende në një moment pasigurie dhe çorientimi të plotë dhe Izraeli përdor mundësinë për të nisur sulme të mëtejshme dhe për të ndaluar hakmarrjen e milicëve në gjurmët e tij – sipas IDF.
Një nga komandantët më të rëndësishëm të fraksionit libanez, Ibrahim Aqil, ishte plagosur gjithashtu nga një pager shpërthyes dhe kishte shkuar në një spital për trajtim, por duhet të ishte fiksuar disi nga sistemi izraelit i mbikëqyrjes.
Duket sikur ditët e fundit Hezbollahu, i cili zakonisht vepronte “nën mbulesë të errët” fshehtësie dhe procedurash, ishte bërë transparent për sytë e inteligjencës izraelite.
Aqil ishte një veteran me dyzet vjet përvojë që kishte zëvendësuar Fuad Shukr – komandantin ushtarak të vrarë në Bejrut, nga një dron izraelit më 30 korrik – në krye të këshillit të luftës që vendos të gjitha operacionet e Hezbollahut, dhe gjithashtu kërkohej nga Shtetet e Bashkuara.
Për sulmet me kamion-bombë kundër ambasadës amerikane dhe kundër kazermave të ushtarëve amerikanë në Bejrut, në vitin 1983, me një shpërblim prej 7 milionë dollarësh.
Komandanti nga spitali u zhvendos në bodrumin e një ndërtese apartamentesh në zemër të Dahieh, lagje rezidenciale në Bejrutin Jugor, e cila është gjithashtu qendra e aktiviteteve të Hezbollahut, për një takim strategjik, por ndërtesa u godit nga një bombë e hedhur nga një Avion izraelit.
Pjesëmarrësit e tjerë në takimin me Akilin ishin komandantët e njësisë Radwan, një formacion shumë i përzgjedhur dhe i stërvitur i luftëtarëve të Hezbollahut, i përdorur për detyra të veçanta. Sulmi ajror vrau Aqil dhe 13 persona të tjerë – përfshirë oficerë Radwan dhe disa civilë dhe fëmijë.
Pesë orë më vonë, zëdhënësi i ushtrisë izraelite, gjenerali Daniel Hagari, tha se Aqil dhe komandantët e forcave Radwan po planifikonin një inkursion në Izraelin verior. Sipas planit, luftëtarët e Hezbollahut supozohej të kalonin kufirin, të arrinin në komunitetet izraelite në rajon dhe të vrisnin dhe rrëmbenin civilë, siç bëri Hamasi më 7 tetor të vitit të kaluar.
Vlen të kujtohet se Aqil ishte i lidhur me një inkursion të tentuar nga një burrë i Hezbollahut, i cili, me dy ngarkesa shpërthyese dhe një makinë, arriti të udhëtonte dhjetëra kilometra në Izraelin verior në vitin 2023. Burri u vra, por ky lloj infiltrimi është edhe obsesioni i organizatës.
Izraeli duket se dinte çdo lëvizje të Aqil pasi e lokalizoi dhe u plagos. Kjo është java më e keqe në historinë e Hezbollah, që u kap në befasi nga inteligjenca izraelite, e cila ngriti dhe kamufloi 3 shoqëri fantazmë apo guaskë për të prodhuar biperat dhe radiot komunikuese me të cilat u furnizua së fundmi ushtria e Hezbollah.
Dhe me një komandë hodhi në erë mijëra anëtarë të organizatës. Hezbollah duket se ka ulur vigjilencën dhe tashmë është e çorientuar, teksa kreu i saj Hassan Nasrallah premton hakmarrje, së bashku me Iranin.
Që nga fundi i korrikut – që nga vrasja e liderit politik të Hamasit, Ismail Haniyeh, brenda një dhome që besohet të jetë e sigurt në Teheran – Irani ka premtuar veprime spektakolare hakmarrëse kundër Izraelit.
Një operacion i parë i madh hakmarrjeje i tentuar nga Irani në prill, për t’u hakmarrë për vrasjen e një gjenerali të Pasdaranit, ishte një dështim sepse raketat dhe dronët iranianë u kapën dhe u shkatërruan përpara se të arrinin objektivat e tyre në territorin Izraelit.