Deputeti i VV-së, Dimal Basha nuk ndalet se kritikuari opozitë.
Ndonëse të gjitha partitë opozitare janë shprehur pro hapjes se urës mbi lumin Ibër, ai kërkon më shumë mbështetje nga opozita.
Derisa është shprehur i kënaqur me deputeten britanike Alicia Kearns, e cila është shprehur pro hapjes së urës, ai nuk i ka kursyer as fyerjet ndaj deputetëve të opozitës.
Sipas tij, ata janë pakurrizorë.
“Alicia Kearns – deputete britanike ‘E tmerruar kur shoh se si BE-ja kërcënon Kosovën me masa të mëtejshme nëse hapet Ura e Ibrit. Të ndëshkosh Kosovën për hapjen e një ure, duke injoruar Banjskën, sugjeron se vetë procesi është thellësisht i padrejtë dhe ka nevojë për reforma urgjente.’ Më shumë kemi mbështetje nga deputetë të Mbretërisë se Bashkuar se nga deputetët e opozitës, të cilët kanë nënshkru marrëveshje për hapjen e Urës, por vazhdojnë me dal kundër hapjes! PAKURRIZORË!”, ka shkruar Basha.
