Një 78 vjeçare amerikane është arrestuar për herë te tretë për n jë tentativë vjedhje në një bankë.
Mediat e huaja shkruajnë se 78 vjeçarja Bonnie Gooch ishte dënuar dy herë në të kaluarën për grabitje apo tentativë për të grabitur një bankë dhe sërish duket se i është kthyer vesit të vjetër.
Ndërkaq thuhet se Bonnie është dënuar për grabitjen e një banke në Kaliforni në 1977 dhe një në periferi të Kansas City në 2020 . Në gjykimin për rastin e dytë, djali i saj kishte dëshmuar në gjykatë se nëna e tij “e kishte humbur” dhe se ajo ishte larguar nga shtëpia “e inatosur duke thënë se do të grabiste një bankë”.
Edhe pse përfundimisht u shpall fajtor, dënimi i Gooch u pezullua dhe ajo u lirua me kusht, e cila përfundoi në nëntor 2021.
Pas vjedhjes së saj të fundit, Gooch u arrestua pak larg nga banka.
Kartëmonedhat ishin të shpërndara brenda makinës së saj dhe gjithashtu kishte një erë të fortë alkooli , sipas dëshmive të punonjësve të policisë që e dërguan në departament.
Sipas shkresave të lëndës, 78-vjeçarja ka hyrë në bankë i veshur me rroba gri dhe me dorezë plastike, maskë të zezë për koronavirusin dhe syze dielli të zeza. Pamjet e kamerave të sigurisë tregojnë se ajo godet me shuplakë arkëtarin, duke i thënë vajzës të nxitojë. Ajo gjithashtu dyshohet se i kërkoi arkëtarit që të mos i numëronte paratë, por thjesht t’i jepte asaj.