Nënkryetarja e Lëvizjes Vetëvendosje, Albulena Haxhiu, ka folur pas takimit të mbajtur sot me presidenten e Kosovës, Vjosa Osmani, e cila ka ftuar përfaqësuesit e partive politike për të diskutuar rreth caktimit të datës së zgjedhjeve lokale.
Në këtë takim, sipas Haxhiut, është diskutuar edhe mundësia që krahas zgjedhjeve lokale të mbahen edhe zgjedhjet e jashtëzakonshme parlamentare.
“Ishte një ide që të vazhdojmë t’i shpallim të dyja edhe ato të jashtëzakonshme bashkë me ato lokale. Qëndrimi jonë është për. Për ne është e rëndësishme që të konstituohet Kuvendi, të votohet qeveria por nëse sot ka qenë e 18-ta seancë që kur ka filluar votimi për Komision”, tha ajo.
Haxhiu tha se propozimi për mbajtjen e dy palë zgjedhjeve njëkohësisht ishte i saj personalisht, por theksoi se qëndrimi i VV-së mbetet ai për konstituimin e institucioneve.
“Ideja ishte e imja. Unë isha shumë e vullnetshme që të diskutojmë edhe për këtë. Por duhet konstituim dhe shpërndarje e Kuvendit e që për këtë duhet marrëveshje politike”, deklaroi Haxhiu.
