Një raketë e lëshuar nga Irani ka goditur një zonë banimi në provincën Al-Kharj të Arabisë Saudite, duke lënë pas pasoja tragjike. Ky sulm ka shkaktuar vdekjen e dy personave dhe plagosjen e 12 të tjerëve, njoftoi zyrtarisht Mbrojtja Civile saudite.
Autoritetet kanë bërë të ditur edhe identitetin e viktimave që humbën jetën në këtë ngjarje të rëndë. Sipas të dhënave të para, bëhet fjalë për dy shtetas të huaj, përkatësisht një nga India dhe një tjetër nga Bangladeshi.
Kjo ngjarje vjen vetëm pak kohë pas një alarmi urgjent të lëshuar nga Shtetet e Bashkuara të Amerikës lidhur me strategjinë e sulmeve të Teheranit.
Shtetet e Bashkuara paralajmëruan se regjimi iranian po përdor zona civile me popullsi të dendur për të lëshuar raketa balistike dhe dronë. Për shkak të këtij rreziku të lartë, qytetarëve u është bërë thirrje e vazhdueshme të qëndrojnë në ambiente të mbyllura për të shmangur lëndimet./lajmishqip.net
