Është bërë tashmë e ditur se aktorja Olta Gixhari dhe këngëtari Luiz Ejlli, do të jenë pjesë e një projekti të ri kinematografik.
Dyshja kanë bashkuar forcat për të luajtur së bashku në një film të zhanrit komedi, i cili do të titullohet “Në kuadër të dashurisë”.
Filmi shfaq një histori dashurie në kohët moderne që ndërlidh jetët e dy njerëzve dhe të familjeve të tyre.
![](https://telegrafi.com/wp-content/uploads/2023/06/356036415_3583179385249169_2733884738277668140_n.jpg)
Tashmë në rrjetet sociale kanë filluar të qarkullojnë disa fotografi të dyshes, ku shihen në prapaskenat e xhirimeve të këtij projekti.
Nga sa shihet, debatet mes dy artistëve nuk do të mungojnë edhe në skenarin e këtij filmi, i cili do të ketë sa lot gëzimi aq edhe pikëllimi.
![](https://telegrafi.com/wp-content/uploads/2023/06/355821685_810079127446907_5256964576434706011_n.jpg)
Olta dhe Luizi përndryshe janë shquar si dy prej personazheve më hiper aktivë të edicionit të dytë të Big Brother VIP Albania.
Ata kanë pasur debate të vazhdueshme me njëri-tjetrin dhe qëndrimet të kundërta si në lojë, ashtu edhe në bisedat që zhvilloheshin brenda shtëpisë më të famshme në Shqipëri. /Telegrafi