Vetëm pak ditë pas akuzave të forta të Elsa Lilës, këngëtarja Albina Kelmendi është rikthyer në publik me një postim plot energji dhe pozitivitet në rrjete sociale.
Artistja nga Gjakova është parë duke u argëtuar në një dasmë në qytetin e saj të lindjes, ku ka ndarë me ndjekësit disa momente festive, shoqëruar me një mesazh që vlerëson trashëgiminë kulturore shqiptare.
“Tu bo qejf në një dasëm gjakovare, aty ku tradita e kultura nuk mungojnë!” – ka shkruar Albina në Instastory, ku shihet e qeshur dhe e qetë, në një atmosferë plot muzikë, dritë dhe harmoni.
Ky postim, i pari pas polemikave të fundit, shihet si një reagim i heshtur dhe i matur i artistes, që përmes gëzimit e kulturës dërgon një mesazh të qartë: ajo zgjedh të fokusohet në pozitivitet dhe dinjitet artistik, larg përplasjeve publike.
Në këtë mënyrë, Albina Kelmendi duket se po rikthehet te thelbi i saj – muzika, tradita dhe dashuria për artin shqiptar./lajmishqip.net
