Deputeti dhe nënkryetari i Partisë Popullore, Miroslav Aleksiq, tha se sistemi vazhdon të ngacmojë Serbinë dhe të tallet me qytetarët, duke qenë se në vend të anulimit të paralajmëruar të “reality show-t” “Zadruga” (dyqani), është paralajmëruar një sezon i ri.
Miroslav Aleksiq, i cili është përfaqësuesi i autorizuar i propozuesit, përkujtoi se qeveria kishte premtuar shfuqizimin e “reality show-t” “Zadruga” dhe se presidenti i Serbisë, Aleksandar Vuçiq, “i kërkoi” pronarit të televizionit Pink, Zheljko Mitroviq ta bëjë këtë.
“A je normal? Vërtet duhet të të pyes, a je normal? Në këtë vend, Zheljko Mitroviq është president dhe merr vendime? A ka ndonjë institucion? Nuk kam asnjë koment për këtë lloj talljeje me qytetarët e Serbisë. Pas një tragjedie të tillë… A jeni në dijeni të kësaj situate? Jo, ju thoni se po vazhdoni. Nuk ju interesojnë realisht kërkesat e qytetarëve”, pyeti Aleksiq.
A është normale që pas gjithë kësaj të vazhdoni si më parë, pyeti Aleksiq, duke vlerësuar se “sistemi shërben vetëm për t’i mbrojtur oligarkët e pushtetit dhe për të luftuar kundër atyre që nuk i përkasin kastës suaj në pushtet”.
Aleksiqi pyeti ministrin e Policisë se kush i arrestoi policët e Kosovës të cilët u liruan 12 ditë pas arrestimit.
“Kush i arrestoi? Xhandarmëri apo jo. Nëse nuk është Xhandarmëria, kush tjetër”, pyeti Alaksiq dhe vlerësoi se qeveria po e ngacmon Serbinë.
Duke iu përgjigjur akuzave se po njollosin Serbinë, kryeministrja e Serbisë thotë se këto deklarata vijnë nga një njeri, shefi i të cilit është “i vetmi serb që ka shkuar në CIA si i dyshuari kryesor në aferën e shekullit në SHBA”.
“Me sa jemi të informuar, Hunter Biden e ka pranuar fajin. Nëse ai njeri nuk e shkatërroi Serbinë, nuk e di kush mund ta shkatërrojë Serbinë”, tha Bërnabiq.