Kryetari i Dragashit, anëtari i Lidhjes Demokratike të Kosovës, Bexhet Xheladini tha se “do ta paguajnë personalisht, kolektivisht apo edhe familjarisht” ata që, siç tha ai, “e shfrytëzojnë LDK-në për përfitime personale”.
“Ata që e shfrytëzojnë LDK-në për përfitime personale, që ndreqin kurthe, që e tradhtojnë dhe që përgatisin skenarë kundër saj, nga fuqia e të madhit Zot,herët a vonë, do ta paguajnë, personalisht, kolektivisht apo edhe familjarisht”, shkroi ai në një postim në Facebook.
“Ky është një rregull i pashkruar, po aq i sigurt sa fakti që një plus një bëjnë dy”, shtoi Xheladini.
