Vetëm katër vjeç kur nisi lufta, sot, pas 26 viteve, Mentor Beqiri u ngjit në foltoren e Hagës si avokat për të mbrojtur me guxim vlerat e Ushtrisë Çlirimtare të Kosovës.
Rrugëtimi i tij jetësor, i nisur mes traumave të luftës, kulmoi në majat e drejtësisë ndërkombëtare përmes një angazhimi mbresëlënës.
Me një ndjenjë të lartë përgjegjësie, Beqiri u shpreh i privilegjuar që përfaqësoi Jakup Krasniqin gjatë paraqitjes së fjalës përfundimtare. Përmes një videoje të ndarë në Facebook, ai nënvizoi me forcë: “Lufta e UÇK-së ishte e drejtë, e pashmangshme dhe e domosdoshme”.
Mentor Beqiri është djali i ish-luftëtarit të ndjerë të UÇK-së, Adem Beqirit, duke lartësuar kështu trashëgiminë e të atit. /lajmishqip.net