Ish kryeministri i Kosovës, Avdullah Hoti në një postim të tij në Facebook sërish ka kritikuar qeverisjen aktuale të udhëhequr nga kryeministri Albin Kurti.
Hoti shkruan se pas tri vitesh dështime, mashtrime e konfrontime, më në fund u dorëzuan.
“Çdo ditë që kalohet pa zgjedhje të reja është humbje e resurseve shtetërore dhe e kohës së çmueshme për të kthyer normalitetin në institucione”, shkruan ndër të tjera Hoti.
Postimi i plotë:
Tri vite dështime, mashtrime e konfrontime me gjithë botën demokratike, me mediat, me sindikatat, me opozitën, me bizneset, me Shqipërinë. Në fund u dorëzuan.
Çdo ditë që kalohet pa zgjedhje të reja është humbje e resurseve shtetërore dhe e kohës së çmueshme për të kthyer normalitetin në institucione, për të filluar zbatimin e politikave që sigurojnë zhvillim dhe integrime euro-atlantike, për të riparuar partneritetin e cenuar me miqtë, për të gjetur pajtimin e bashkëpunimin vëllazëror me Shqipërinë e me shqiptarët në rajon.