Në kuadër të fushatës për zgjedhjet lokale, kandidati i Lidhjes Demokratike të Kosovës (LDK) për kryetar të Vushtrrisë, Xhafer Tahiri, ka siguruar mbështetjen publike të dy figurave të njohura të sportit në këtë qytet.
Përmes një postimi në llogarinë e tij në Facebook, Tahiri bëri të ditur takimin me Emin Selacin, njërin prej emrave ikonikë të sportit vushtrrias, dhe trajnerin e hendbollit, Besim Shabanaj.
Ai e cilësoi përkrahjen e tyre si një shtysë të rëndësishme për vizionin dhe platformën e tij, duke e parë atë si një motivim kyç në garën elektorale.
“Qaji në Vushtrri shijon më mirë me krenarinë e qytetit tonë, Emin Selacin, dhe trajnerin e hendbollit, Besim Shabanaj. Mbështetja e tyre është motivim shtesë për fitoren e qytetit tonë,” shkroi Tahiri./lajmishqip.net
