Kanë kaluar vetëm pak ditë që kur Alesio Alia vendosi të ndërpresë me vetëdëshirë rrugëtimin e tij në shtëpinë e “Big Brother VIP Albania 5”. Largimi i tij i papritur la pas shumë kureshtje te ndjekësit e shumtë të këtij formati.
I ftuar së fundmi në emisionin “Top News” përballë moderatores Fiori Dardha, ish-konkurrenti ka ndarë detaje mjaft interesante mbi eksperiencën e tij intensive brenda shtëpisë më të famshme në Shqipëri.
Gjatë bisedës në studio, Alesio nuk ka kursyer një deklaratë mjaft të fortë lidhur me njërën prej konkurrenteve, Brikena Selmanin, duke zbuluar diçka që nuk ishte thënë më parë.
“Brikena kishte pëlqim për mua”, u shpreh ai me siguri, duke krijuar menjëherë diskutime mbi dinamikat që u zhvilluan brenda mureve të shtëpisë.
Më tej, Alesio la të nënkuptohet se raporti i saj me Mateo Borrin mund të mos jetë i bazuar në një pëlqim të vërtetë, ose se mes tyre ekziston një situatë shumë më e ndërlikuar nga sa duket në ekran.
Nga ana tjetër, ai rrëfeu se jashtë shtëpisë po shijon një lidhje të qëndrueshme dashurie. Ky angazhim emocional, sipas tij, është edhe arsyeja kryesore që e mban aktualisht të ankoruar në Shqipëri.
Pavarësisht polemikave, ai deklaroi se ndihet tejet i lumtur për këtë eksperiencë unike që i dhuroi “Big Brother”. Alesio nënvizoi se është i qetë me veten dhe se nuk është penduar për asnjë veprim të tij./lajmishqip.net
