Sekretari amerikan i Shtetit, Marco Rubio, ka deklaruar se siguria globale do të njohë një epokë të re dhe bota do të shndërrohet në një vend më të mirë pasi misioni në Iran të përmbushet plotësisht.
Gjatë një adresimi në Washington, Rubio theksoi se Shtetet e Bashkuara të Amerikës janë të angazhuara në një mision kritik kundrejt regjimit iranian, të cilin e cilësoi si sponsorin kryesor të terrorizmit dhe marrësin më të madh të pengjeve në botë.
Ai saktësoi se objektivat strategjike janë të qarta: asgjësimi i kapaciteteve për lëshimin e raketave, shkatërrimi i fabrikave prodhuese të këtyre armatimeve dhe neutralizimi i plotë i flotës së tyre detare.
“Jemi në rrugë të mbarë për realizimin e këtij objektivi”, ka përfunduar shefi i diplomacisë amerikane. ./lajmishqip.net
