Politikani shqiptar me origjinë nga Kumanova, Përparim Avdili, po konsiderohet tashmë si një nga kandidatët më seriozë për të marrë drejtimin e Cyrihut, qytetit dhe qendrës më të madhe ekonomike në Zvicër.
Me një profil të lartë profesional dhe një karrierë politike të konsoliduar, Avdili përfaqëson një histori suksesi të jashtëzakonshme të integrimit dhe angazhimit aktiv në majat e jetës publike zvicerane.
Ndonëse i lindur dhe i rritur në Zvicër, ai ka ruajtur një lidhje të fortë me prejardhjen e tij shqiptare, duke i parë rrënjët e tij si një vlerë të shtuar për të ndërtuar ura bashkëpunimi mes komuniteteve.
Pas diplomimit në drejtimin e Financave dhe Bankave, Avdili zhvilloi një karrierë të suksesshme në sektorin privat, krahas angazhimit të tij të palëkundur politik në radhët e partisë liberale FDP.
Gjatë kohës së tij si anëtar i parlamentit të kantonit të Cyrihut, ai u shqua për profesionalizëm të lartë dhe përkushtim ndaj temave që lidhen me zhvillimin ekonomik dhe mirëqenien e qytetarëve.
Në zgjedhjet që pritet të mbahen më 6 mars, Avdili garon me një program ambicioz për drejtimin e Kantonit të Cyrihut, duke u fokusuar në ekonominë lokale, sigurinë dhe zhvillimin e qëndrueshëm.
Përveç përkrahjes masive nga mërgata shqiptare, e cila është mjaft e pranishme në këtë kanton, Avdili gëzon një respekt të veçantë edhe nga votuesit zviceranë që besojnë te vizioni i tij.
Kandidatura e tij shënon një moment kthese për komunitetin shqiptar në diasporë, duke u bërë një shembull i fuqishëm i kontributit tonë në institucionet më të larta të shtetit zviceran./lajmishqip.net
