E diela ka shënuar një bilanc tragjik për vendin tonë, ku si pasojë e ngjarjeve të rënda në rrethana të ndryshme, tre persona kanë ndërruar jetë brenda një harku të shkurtër kohor.
Ngjarja e parë u regjistrua në fshatin Kçiq i Madh të Mitrovicës, ku rreth orës 18:40, një i ri i moshës 18-vjeçare është dërguar pa shenja jete në spitalin rajonal.
Vetëm pak orë më vonë, një tjetër tragjedi goditi Bresjen e Fushë Kosovës, ku një këmbësor vdiq pasi u përplas fatalisht nga një veturë në lëvizje.
Sipas autoriteteve policore në Prishtinë, ekipi mjekësor e konstatoi vdekjen e viktimës menjëherë në vendngjarje, derisa njësiti i trafikut ka nisur hetimet për zbardhjen e plotë të rastit.
Ndërkaq, në Prizren, një 44-vjeçar ka humbur jetën si pasojë e lëndimeve të rënda trupore, të cilat i mori pasi ra aksidentalisht nga lartësia./lajmishqip.net