Infrastruktura energjetike ruse është vënë sërish në shënjestër të forcave ukrainase. Gjatë natës mes 6 dhe 7 shtatorit, naftësjellësi strategjik ‘Druzhba’, në rajonin rus të Bryansk, është goditur për të dytën ditë radhazi.
Lajmi u konfirmua nga Robert ‘Magyar’ Brovdi, një komandant i lartë i forcave ukrainase. Në një postim në rrjetet sociale, ai deklaroi: “Linja që prodhon dhe transferon naftën 8-N në Naytopovichi është sulmuar sërish.”
Pala ukrainase e konsideron këtë objektiv si një pikë me rëndësi kritike, duke argumentuar se përmes tij furnizohet me karburant ajo që ata e cilësojnë si “makineria vrastare ruse”.
Ky sulm pason një tjetër goditje të ngjashme vetëm një ditë më parë, ku një tjetër pikë kyçe e industrisë ruse të naftës u sulmua me dronë kamikazë, duke sinjalizuar një intensifikim të fushatës ukrainase kundër infrastrukturës energjetike të Moskës./lajmishqip.net
