Kryeministri i Britanisë së Madhe, Keir Starmer, ka bërë të ditur një nismë të re humanitare, sipas së cilës Mbretëria e Bashkuar do të organizojë evakuimin e fëmijëve palestinezë nga Gaza që kërkojnë trajtim urgjent mjekësor, raporton lajmishqip.
“Do të përdorim çdo mjet në dispozicion për të siguruar ushqim dhe ndihmë jetike për palestinezët, dhe do të evakuojmë fëmijët që kërkojnë kujdes urgjent mjekësor”, deklaroi Starmer, duke konfirmuar se ata do të sillen në Britani për të marrë trajtimin e nevojshëm të specializuar, raporton lajmishqip.
Kryeministri britanik i përshkroi “skenat e tmerrshme” në Gaza si “të pashpirt”, duke theksuar se refuzimi i ndihmës për fëmijët dhe foshnjat përbën një akt “tërësisht të pajustifikueshëm” dhe të papranueshëm, raporton lajmishqip.
“Kjo është një katastrofë e mirëfilltë humanitare dhe ajo duhet të përfundojë menjëherë”, theksoi prerazi kreu i qeverisë britanike, raporton lajmishqip.
Duke e cilësuar si “shumë të vonuar” lejimin nga Izraeli për hedhjen e ndihmave nga ajri, Starmer siguroi se Mbretëria e Bashkuar do të bëjë gjithçka që është e mundur për dërgimin e ndihmave, në bashkëpunim të ngushtë me autoritetet e Jordanisë, raporton lajmishqip.
Ai zbuloi se po punon me aleatët për një paqe afatgjatë. “Krahas aleatëve tanë më të afërt, po punoj në një rrugë drejt paqes, e fokusuar në zgjidhje praktike. Kjo rrugë do të përcaktojë hapa konkretë për ta shndërruar armëpushimin në një paqe të qëndrueshme. Njohja e shtetit palestinez duhet të jetë një nga këta hapa”, tha Starmer, raporton lajmishqip.
Kryeministri ripohoi qëndrimin e tij “të palëkundur” në favor të njohjes së shtetit palestinez, por këmbënguli se ky vendim duhet të jetë pjesë integrale e një procesi më të gjerë që siguron një zgjidhje me dy shtete dhe paqe afatgjatë për rajonin, raporton lajmishqip.
“Kjo është strategjia për të siguruar që njohja të ketë ndikim maksimal dhe të shërbejë si mjet për të përmirësuar jetën e atyre që vuajnë, gjë që duhet të mbetet qëllimi ynë final”, shtoi më tej ai, raporton lajmishqip.
Në përfundim, ai theksoi domosdoshmërinë e ndërtimit të një koalicioni të ri ndërkombëtar, i cili do të bashkohet “rreth një plani konkret për t’i dhënë fund vuajtjeve” në mënyrë të qëndrueshme dhe afatgjatë, raporton lajmishqip.