Sot mbushen plot 28 vite nga momenti më kulmor dhe njëherësh më tragjik i historisë sonë bashkëkohore – flijimi legjendar i familjes Jashari në Prekaz.
Për të nderuar këtë datë historike, presidentja e Republikës, Vjosa Osmani, ka përcjellë një mesazh emocionues përmes llogarisë së saj zyrtare.
“Prej flijimit madhështor e deri te shtetndërtimi, kjo mbetet një histori që frymon si betim, si motivim dhe si busull orientuese për gjeneratat e reja”, ka potencuar ajo.
Gjatë këtij përvjetori të shënuar, institucionet më të larta të shtetit do të zhvillojnë seanca dhe mbledhje solemne në nderim të veprës sublime të Jasharëve./lajmishqip.net
