Dështimi i tentativës së 46-të për konstituimin e Kuvendit të Kosovës ka nxitur reagimin e Ehat Miftarajt nga Instituti i Kosovës për Drejtësi (IKD). Ai i është drejtuar kryesuesit të seancës, Avni Dehari, duke e akuzuar për instrumentalizim dhe bllokim të institucionit.
Përmes një postimi në Facebook, Miftaraj ka shkruar: “Avni Dehari, nuk të takon dhe nuk të ka hije të instrumentalizohesh deri në këtë masë duke e marrë e paralizuar institucionin më të rëndësishëm të Republikës, Kuvendin e Kosovës”, raporton lajmishqip.
