Vetëm një vit më parë, Zohran Mamdani ishte pothuajse i panjohur për publikun. Sot, 34-vjeçari është bërë kryetari i 111-të i Bashkisë së New Yorkut, një nga qytetet më të fuqishme dhe më me ndikim në botë.
Shumë njujorkezë e vlerësojnë për prejardhjen e tij migrante dhe bindjet socialiste, ndonëse ai nuk gëzon të njëjtin respekt nga presidenti amerikan Donald Trump.
Zgjedhjet për kryetar bashkie u mbajtën më 4 nëntor 2025, ku Mamdani triumfoi ndaj republikanit Curtis Sliwa dhe kandidatit të pavarur Andrew Cuomo, i cili kishte marrë mbështetjen e Trumpit dhe Elon Muskut.
Kush është Zohran Kwame Mamdani?
Mamdani lindi më 8 tetor 1991 në Kampala, në Ugandë, me emrin Zohran Kwame Mamdani.
Ai është mysliman me prejardhje indiane. Nëna e tij, Mira Nair, është regjisore e njohur, ndërsa babai i tij, Mahmood Mamdani, është shkencëtar.
Familja iu zhvendos përkohësisht nga Uganda në Afrikën e Jugut kur Zohran ishte pesëvjeçar.
Dy vjet më vonë ai arriti me familjen në New York. Ai e ka përshkruar fëmijërinë si “të privilegjuar”, por pranon se përvoja nuk ishte tipike për atë qytet.
Ngjitja politike ka qenë e shpejtë. Ai u zgjodh në Asamblenë e shtetit të New Yorkut në vitin 2020.
Kur në muajin tetor të vitit 2024 shpalli kandidaturën për kryetar bashkie, shumë njerëz menduan se nuk kishte asnjë shans të afrohej me nominimin.
Në fund, triumfi ndaj Cuomos ishte bindës – fitoi 56,4 për qind të votave.
Mamdani është adhurues i hip-hopit dhe dikur ka performuar e prodhuar vetë muzikë në atë zhanër.
Ai është tifoz i disa klubeve sportive, përfshirë ekipin e bejzbollit New York Mets, ekipin e futbollit amerikan New York Giants dhe klubin londinez të Arsenalit.
Cilat janë qëndrimet e tij politike?
I lindur më 8 tetor 1991 në Kampala të Ugandës, Mamdani vjen nga një familje me rrënjë indiane. Nëna e tij, Mira Nair, është një regjisore e njohur ndërkombëtarisht, ndërsa babai, Mahmood Mamdani, është një akademik i shquar.
Kur ishte pesëvjeçar, familja e tij u zhvendos në Afrikën e Jugut dhe dy vite më vonë në New York, ku Mamdani do të rritej. Ai e ka përshkruar fëmijërinë si “të privilegjuar”, por të ndryshme nga përvoja e zakonshme e fëmijëve të qytetit.
Karriera e tij politike mori hov të shpejtë – në vitin 2020 u zgjodh në Asamblenë e Shtetit të New Yorkut. Kur shpalli kandidaturën për kryetar bashkie në tetor 2024, pak kush besonte se kishte ndonjë mundësi reale për fitore. Por në fund, ai arriti një triumf bindës me 56.4% të votave.
Përveç politikës, Mamdani është adhurues i hip-hopit dhe dikur ka krijuar e performuar vetë në këtë zhanër. Ai është gjithashtu tifoz i New York Mets, New York Giants dhe Arsenalit.
Qëndrimet politike
Në qendër të fushatës së tij ka qenë strehimi i përballueshëm – një çështje që ai e njeh nga afër për shkak të përvojës si avokat që ndihmonte qytetarët të shmangnin dëbimet e padrejta.
Në një qytet ku qiratë janë ndër më të lartat në botë – një apartament mesatar me tre dhoma kushton rreth 8,500 dollarë në muaj – Mamdani ka kërkuar ngrirje të qirave, ndërtim të banesave të përballueshme dhe kontroll më të ashpër mbi pronarët privatë.
Anëtarësimi i tij në grupin socialisto-demokrat amerikan e ka përforcuar më tej orientimin e tij politik. Propozimet e tij përfshijnë:
-
Taksë të unifikuar prej 2% mbi të ardhurat mbi 1 milion dollarë në vit,
-
Rritje të taksës mbi fitimin,
-
Transport publik falas,
-
Pagë minimale prej 30 dollarësh në orë (nga 16,50 që është aktualisht),
-
Zgjerim të kujdesit publik për fëmijët.
“Duhet të flisni në një gjuhë që njerëzit e kuptojnë dhe me të cilën identifikohen,” ka thënë ai për revistën The New Statesman.
“Nëse nuk mund të përballoni të jetoni në qytetin tuaj, atëherë nuk keni kohë të shqetësoheni për vlerat,” shtoi Mamdani.
Pse ky post është kaq i rëndësishëm
Me afro 8.5 milionë banorë dhe rreth 65 milionë vizitorë në vit, New Yorku është një nga qendrat më të mëdha financiare dhe kulturore të botës. Kryetari i bashkisë menaxhon një buxhet prej 116 miliardë dollarësh dhe ka kompetenca të gjera për strehimin, transportin dhe financat publike.
Pas fitores së Mamdanit, përplasjet me Donald Trumpin, i cili gjithashtu është nga New Yorku, duken të pashmangshme. Trump e ka quajtur atë “komunist të çmendur” dhe “një katastrofë në pritje”, ndërsa Mamdani ka premtuar se do të bashkëpunojë me presidentin për të mirën e qytetit, por nuk do të lejojë të frikësohet.
Duke pasur parasysh se qëndrimet e tyre politike janë diametralisht të kundërta, marrëdhënia midis dy figurave pritet të shndërrohet në një arenë të re përplasjesh në skenën politike amerikane./lajmishqip.net