Edward P. Joseph, Profesor për studime ndërkombëtare të avancuara, Johns Hopkins ka folur në lidhje me zgjedhjen e Donald Trumpit, president i ShBA-së dhe ndikimin e tij në Gjykatën Speciale.
Ai u shpreh se në ShBA ka pasiguri të jashtëzakonshme sa i përket asaj që do të sjell administrata e re e Trumpit dhe sipas tij, e njëjta vlen gjithandej në botë, e veçanërisht në Ballkan.
“Këtu në ShBA ka pasiguri të jashtëzakonshme sa i përket asaj që do të sjell administrata e re e Trumpit dhe mendoj se e njëjta vlen gjithandej në botë, e veçanërisht në Ballkan”, tha ai.
“Fjala kryesore që do ta përdorja për të përshkruar mandatin e dytë të Trump është ‘vlerat’, i tërë projekti i Perëndimit për stabilizim mbështetet në vlerat demokratike dhe ne e shohim degradim vërtetë serioz të këtyre vlerave në rajon”, u shpreh për emisionin “Info Magazine” në Klan Kosova.
Joseph foli edhe për atë se nëse Trump mund ta mbyll Gjykatën Specialen, për shkak të hakmarrjes ndaj ish-kryeprokurorit të Prokurorisë së Specializuar, Jack Smith, duke thënë se nuk përjashtohet si mundësi.
