Një numër i konsiderueshëm i personave që vuajnë dënimet në institucionet korrektuese u janë drejtuar zyrtarisht Presidencës me kërkesën për falje. Megjithatë, përgjatë këtyre viteve të mandatit të saj, Vjosa Osmani ka vendosur të falë vetëm një grua, raporton Klan Kosova.
Ky qëndrim ka nxitur debate të ndryshme në opinionin publik. Disa kritikë vlerësojnë se presidentja do të duhej të tregonte një nivel më të lartë empatie dhe të ishte më “dorëlëshuar” me dekretet e saj. Në anën tjetër, mbështetësit e kësaj linje argumentojnë se kjo e drejtë kushtetuese është keqpërdorur shpeshherë në të kaluarën, duke justifikuar kështu kriteret e rrepta të aplikuara aktualisht./lajmishqip.net