Në një deklaratë të fundit, avokati i njohur Spartak Ngjela ka komentuar situatën e debatueshme lidhur me mos shkuarjen e kryeministrit Albin Kurti në Prokurorinë Speciale. Ngjela argumenton se një kryeministër, si përfaqësues i votës së popullit, nuk duhet të thirret papritur nga Prokuroria, duke theksuar se prokurori nuk gëzon të njëjtin legjitimitet demokratik.
“Prokurori nuk është i zgjedhur nga populli, e kryeministri po. E në rastin konkret, prokurori për të krijuar frymë bashkëpunimi, duhet të bisedojë me kryeministrin dhe të lenë një takim në zyrën e kryeministrit. Çfarë të keqe ka këtu?”, është shprehur Ngjela.
Sipas tij, respektimi i votës së popullit është parim thelbësor i demokracisë dhe thirrja e një kryeministri në Prokurori pa një njoftim të parakohshëm, mund të interpretohet si mosrespektim i këtij parimi. “Demokracia është në frymën e popullit, jo të Prokurorisë”, ka vijuar ai.
Ngjela gjithashtu nënvizoi faktin se Kushtetuta dhe Kodi i Procedurës Penale i lejojnë çdo qytetari, përfshirë edhe kryeministrin, të mos i përgjigjet një thirrjeje të papritur nga Prokuroria. “Në procedurë penale, ai që ti e thërret nuk përgjigjet, dhe ti si prokuror çka mund t’i bësh? Asgjë”, shtoi avokati.
Kjo deklaratë vjen në një kohë kur debati për ndarjen e pushteteve dhe respektimin e procedurave ligjore është mjaft aktual në Kosovë. Megjithatë, mbetet për t’u parë nëse kjo qasje do të gjejë mbështetje edhe në qarqet e tjera juridike dhe politike të vendit.
Sqarimi i plotë i avokatit Ngjela:
@me.qeverine.kurti3 Kryeministri Albin Kurti është politikani më i votuar në historinë e Republikës së Kosovës dhe nuk mundet ta arrestoj askush dhe as prokurorët e Klanit Pronto. #AlbinKurti #UÇK #CepMëCep ♬ Movie Soundtrack Epic – DDProduction