Vendet anëtare të NATO-s kanë arritur konsensusin për buxhetet e përbashkëta të vitit 2026, duke miratuar një rritje të shpenzimeve me qëllim forcimin e gatishmërisë dhe aftësive luftarake të Aleancës. Vendimi u zyrtarizua të martën gjatë takimit të Këshillit të Atlantikut të Veriut.
Sipas marrëveshjes së re, buxheti civil i NATO-s është caktuar në 528.2 milionë euro (rreth 623 milionë dollarë), ndërsa buxheti ushtarak do të arrijë shifrën prej 2.42 miliardë eurosh.
Në një deklaratë zyrtare, NATO theksoi se këto fonde do të mbështesin aftësitë kritike dhe do të promovojnë gatishmërinë operacionale, me synimin për ta bërë aleancën “më të fortë, më të drejtë dhe më vdekjeprurëse”.
Ky buxhet do të kontribuojë drejtpërdrejt në përshtatjen ushtarake të NATO-s, përmirësimin e ndërveprimit mes forcave aleate, si dhe në menaxhimin e krizave dhe sigurinë bashkëpunuese.
Gjithashtu, financimi do të mbulojë Strukturën e Komandës së Integruar, stërvitjet dhe trajnimet e udhëhequra nga NATO, misionet e ndryshme operacionale, si dhe mbështetjen për ngritjen e kapaciteteve në vendet partnere, raporton Anadolu Agency./lajmishqip.net