Pas përfundimit të mbledhjes së Kryesisë, kryetarja e Kuvendit, Albulena Haxhiu, ka adresuar para mediave çështjen tejet sensitive të zgjedhjes së Presidentit të ri të Republikës.
Lidhur me këtë proces jetik për stabilitetin institucional, Haxhiu ka apeluar për një koordinim të ngushtë dhe bashkëpunim substancial mes të gjitha subjekteve politike pa dallim.
“Përzgjedhja e kreut të shtetit përbën një proces tejet të rëndësishëm, andaj emërimi i tij apo saj kërkon përgjegjësi të lartë, maturi politike dhe mbi të gjitha një frymë konstruktive bashkëpunimi”, ka deklaruar Haxhiu.
“Kryesia e Kuvendit mbetet e kufizuar në veprim pa pasur zyrtarisht kandidatë të mbështetur me nga 30 nënshkrime; ligjërisht kërkohen së paku dy kandidatura, ndonëse procedurat lejojnë që gara të zgjerohet në tre apo katër sosh”, u shpreh ajo para gazetarëve./lajmishqip.net
