Gjykata Themelore e ka gjetur fajtor ministrin e Punëve të Brendshme, Xhelal Sveçla, lidhur me aktin e përdorimit të gazit lotsjellës në seancën e Kuvendit të Kosovës, raporton Insajderi.
Masa dhe natyra e sanksionit ndëshkues pritet të zyrtarizohet në një seancë të veçantë.
Gjatë fjalës përfundimtare, organi i akuzës ka këmbëngulur me forcë që Sveçla të dënohet konform dispozitave ligjore në fuqi. Prokurori i çështjes, Avni Namani, ka nënvizuar se faktet e pakundërshtueshme të deponuara në shqyrtimin kryesor konfirmojnë se Sveçla pati shkrepur kanistrën me gaz lotsjellës drejt sallës plenare të Kuvendit./lajmishqip.net
