Ministria e Industrisë, Ndërmarrësisë dhe Tregtisë (MINT) ka njoftuar se nesër, e hënë, 8 shtator, do të nënshkruhet një marrëveshje e rëndësishme ndërmjet Kosovës dhe Luksemburgut për të mbështetur tranzicionin drejt energjisë së pastër dhe për të zbutur ndryshimet klimatike.
Pakti do të formalizohet ndërmjet Agjencisë për Investime dhe Përkrahjen e Ndërmarrjeve në Kosovë (KIESA) dhe Agjencisë së Luksemburgut për Bashkëpunim Zhvillimor (LuxDev). Ceremonia e nënshkrimit do të mbahet në ambientet e MINT-it, duke filluar nga ora 14:00.
Në këtë ngjarje do të marrin pjesë Ministrja e Industrisë, Ndërmarrësisë dhe Tregtisë, Rozeta Hajdari, Ministrja e Ekonomisë, Artane Rizvanolli, si dhe Ambasadori i Luksemburgut në Kosovë, Eric Dietz./lajmishqip.net