Një aksident i rëndë ajror ka ndodhur pasditen e së dielës në Aeroportin Southend të Londrës, ku një avion i vogël është rrëzuar dhe ka shpërthyer menjëherë në flakë.
Policia e Essex-it konfirmoi se avioni 12-metërsh u përfshi nga flakët, ndërsa kompania holandeze Zeusch Aviation pranoi se fluturimi i saj SUZ1 ishte “përfshirë në një aksident” fatal, siç raporton BBC.
Ndonëse autoritetet ende nuk kanë dhënë një numër zyrtar të viktimave, raportimet e para mediatike bëjnë me dije për katër persona të vdekur, përfshirë dy pilotë dhe dy pasagjerë.
Aeroporti Southend mbetet i mbyllur deri në një njoftim të dytë për t’u dhënë rrugë hetimeve për zbardhjen e shkaqeve të kësaj tragjedie, raporton lajmishqip.
