fbpx

Trazirat në Kazakistan, mbërrijnë trupat ruse

HomeLajmeBota

Trazirat në Kazakistan, mbërrijnë trupat ruse

Forcat e sigurisë në Kazakistan thonë se kanë vrarë dhjetëra manifestues antiqeveritarë në një operacion për rikthimin e rendit në qytetin kryesor, Almati. Aksioni u ndërmor pasi protestuesit u përpoqën të merrnin nën kontroll rajone të policisë në qytet, dhe mësynë zyrat e kryebashkiakut.

12 pjesëtarë të sigurisë u vranë dhe 353 u plagosën në trazirat e nxituara nga dyfishimi i çmimit të karburantit.

Në total rreth 1 mijë vetë janë plagosur në rrëmuja, me 400 prej tyre që po trajtohen në spital. Rusia po dërgon trupa në vend, pas kërkesës së presidentit Kazak. Në një deklaratë, u tha se trupat ruse do të ndihmonin në stabilizimin e vendit, i cili është anëtar i Organizatës e Traktatit të Sigurisë Kolektive bashkë më Rusinë, Bjellorusinë, Taxhikistanin, Kirgistanin dhe Armeninë.

Organizata konfirmoi se trupat paraushtarake do të kishin rol paqeruajtës. Protestat nisën të dielën kur qeveria hoqi tavanin në çmimin e gazit të lëngshëm, por shumë shpejt u zgjeruan në revoltë kundër politikave të këqija, duke akuzuar ato që i quajti ‘’banda terroriste” për nxitjen e trazirave, presidenti Kassym-Jomart Tokayev shkarkoi qeverinë, shpalli gjendjen e jashtëzakonshme dhe ndaloi grumbullimet masive. Ai është presidenti i dytë që drejton Kazakistanin që prej shpalljes së pavarësisë në 1991.

COMMENTS

x