fbpx

Suspendohen tre zyrtarë policor nga Podujeva, nuk ndërhynë në një dasmë që po mbahej në këtë komunë

HomeLajmeKosovë

Suspendohen tre zyrtarë policor nga Podujeva, nuk ndërhynë në një dasmë që po mbahej në këtë komunë

Tre zyrtarë policor nga Podujeva mbrëmë janë suspenduar nga puna.

Suspendimi i tyre ka ardhur për shkak të dyshimit se të njëjtit nuk kanë përmbushur detyrat zyrtare që sipas IPK-së, të njëjtit edhe pse kishin pasur informacion nuk ndërhynë në një aheng familjar-dasmë, i cili mbahej në një restorant duke shpërfillur kështu vendimin e qeverisë.

“Inspektorati Policor i Kosovës mbrëmë (09 Gusht 2020), gjatë realizimit të Planit Operativ “Monitorimi i respektimit të vendimeve mbi zbatimin e masave parandaluese kundër përhapjes së Covid-19”, ka hasur në mos zbatim të Vendimit të Qeverise së Republikës së Kosovës për masat ndaj Covid-19 nga tre zyrtarë policorë në Podujevë.

Krahas kësaj të njëjtit dyshohen edhe për mos zbatimin e Urdhrit Operativ të policisë për gatishmëri dhe reagim për Covid-19 duke mos reaguar në një informatë që kishin pranuar për mbajtjen e një ahengu familjar (dasmë) në komunën e Podujevës”, thuhet në përgjigjen e IPK-së për Telegrafin.

Si pjesë e procedurave administrative hetimore të njëjtit janë suspenduar me rekomandim të IPK-së ./Telegrafi

COMMENTS

x