fbpx

Si mund të rreshtohet Juventusi pas afatit të shkëlqyer të transferimeve

HomeSportSporti ndërkombëtar

Si mund të rreshtohet Juventusi pas afatit të shkëlqyer të transferimeve

Juventus nënshkroi me Dusan Vlahovic dhe Denis Zakaria në afatin kalimtar të janarit dhe ja se si mund të rreshtohen bardhezinjtë duke filluar nga fundjava e ardhshme.

Biankonerët do të presin Hellas Verona në Allianz Stadium të dielën në ndeshjen e tyre të parë pas pushimit.

Juventus solli shumë përforcime në janar, duke nënshkruar me lojtarë si Dusan Vlahovic në një marrëveshje të përhershme prej 80 milionë eurosh nga Fiorentina dhe Denis Zakaria për 4.5 milionë euro nga Borussia Monchengladbach.

Ata kanë siguruar edhe shërbimet e Federico Gattit nga Frosinone, por mbrojtësi 23-vjeçar do të qëndrojë i huazuar në klubin e Serisë B deri në fund të sezonit.

Vlahovic do të bëhet sulmuesi kryesor i Juventusit përpara Alvaro Moratas, i cili pritet të kthehet në Atletico Madrid në fund të sezonit.

Vlahovic mund të luajë si qendërsulmues ose afër një partneri sulmues. Allegri gjithashtu mund të zgjedhë Moratan, Moise Kean ose Paulo Dybalan në sulm, megjithëse sulmuesi argjentinas do të luajë kryesisht si mesfushor sulmues pas ish-yllit të Fiorentinës.

Në një formacion 4-3-3 me Cuadrado, Dybala dhe Vlahovic përpara, Dybala shpesh afrohej me Vlahovicin me Adrien Rabiot që lëvizte në të majtë, duke krijuar një lloj 4-4-2, veçanërisht kur mbrohej.

Me Dejan Kulusevski në Tottenham Hotspur dhe Federico Chiesa jashtë për pjesën tjetër të sezonit, Allegri ka të ngjarë të përdorë Cuadrado si një anësor sulmues me Weston McKennie në krahun e kundërt.

Kjo do të thotë se Danilo ka të ngjarë të ketë kohë të rregullt për të luajtur në krahun e djathtë.

Të dy Federico Bernardeschi dhe Kean gjithashtu mund të vendosen si krahë të majtë.

Sa i përket Zakarias, zvicerani ka luajtur kryesisht në mesfushë me dy lojtarë dhe Allegri ka përdorur si formacionin 4-2-3-1 ashtu edhe formacionin 4-3-3 këtë sezon.

Nëse ai zgjedh një mesfushë me dy lojtarë, Zakaria ka të ngjarë të jetë partneri i Manuel Locatelli në mes të fushës, ndërsa Arthur ose Rabiot do të shtohen kur trajneri toskan të vendosë një formacion 4-3-3./Telegrafi

COMMENTS

x