fbpx

Shpërthejnë luftimet mes Armenisë dhe Azerbajxhanit, raportohet për të vdekur

HomeLajmeBota

Shpërthejnë luftimet mes Armenisë dhe Azerbajxhanit, raportohet për të vdekur

Armenia dhe Azerbajxhani kanë raportuar për përleshje të reja në kufi që lanë të vdekur një numër ende të panjohur trupash azerbajxhane.

Luftimet, të cilat shpërthyen mëngjesin e hershëm të kësaj të marte, shënojnë shpërthimin e fundit midis dy shteteve armike, të cilat luftuan edhe gjatë vitit 2020 mbi rajonin e kontestuar Nagorno-Karabakh.

Secila palë fajësoi tjetrën për luftimet, shkruan Al Jazeera, transmeton Gazeta Express.

Në një deklaratë, Ministria e Mbrojtjes e Armenisë tha se Azerbajxhani filloi “granatimet intensive” kundër pozicioneve ushtarake armene në drejtim të qyteteve Goris, Sok dhe Jermuk në orën 00:05 të mëngjesit, të martën. Trupat e Azerbajxhanit përdorën dronë, si dhe “artileri dhe armë zjarri të kalibrit të madh”, tha ai.

“Forcat e armatosura të Armenisë kanë nisur një përgjigje proporcionale”, shtoi ai.

Por Ministria e Mbrojtjes e Azerbajxhanit akuzoi Armeninë për “akte subversive në shkallë të gjerë” pranë rajoneve të Dashkesan, Kelbajar dhe Lachin në kufi.

x