Connect with us

Bota

Rrëzohet aeroplani në Nepal, 72 personat në bord dyshohet se kanë vdekur, publikohen pamjet e rrëzimit

Publikuar

me

Aeroplani me 72 pasagjerë është rrëzuar në aeroportin Pokhara në pjesën qendrore të Nepalit, kurse tashmë janë gjetur 40 trupa të pajetë, kanë bërë të ditur ekipet e shpëtimit ndërsa dyshohet se edhe tjerët mund të kenë vdekur.

Aeroplani i aviokompanisë Yeti Airlines, po udhëtonte nga Katmanduja në drejtim të Pokharit, kur u rrëzua pak para se të zbriste në pistë dhe më pas u përfshi nga zjarri, transmeton Telegrafi.

Në aeroplan ishin 68 pasagjerë, përfshirë 10 shtetas të huaj dhe katër anëtarë të ekuipazhit, raporton Reuters.

Ushtarët e Nepalit janë përfshirë në operacionin e kërkim-shpëtimit.

“Presim të gjejmë më shumë kufoma”, tha zëdhënësi i ushtrisë – duke shtuar se “aeroplani është ndarë në copa”.

Kryeministri Pushpa Kamal Dahal, ka thirrur takim urgjent të kabinetit të tij – si dhe ka ftuar agjencitë shtetërore që të marrin pjesën në operacionin e kërkim-shpëtimit.

Janë publikuar pamjet ku shfaqet momenti kur aeroplani rrëzohet, derisa po fluturonte shumë ulët në afërsi të pistës së aeroportit. /Telegrafi

Reklama