Cristiano Ronaldo mund të bëjë debutimin e tij në Al Nassr këtë javë pas transferimit të tij rekord prej 200 milionë eurosh në vit në klub, me sulmuesin që tashmë është nisur drejt Arabisë Saudite të hënën (sot) përpara testeve mjekësore.
Përballja e Al Nassr kundër Al Ta’ee në shtëpi në ProLeague të enjten, do ta bëjë më të etur Rudi Garcian që superylli i tyre i ri portugez të ketë disa minuta vendimtar përpara një përballjeje në krye të tabelës kundër Al Shabab të shtunën e ardhshme.
Pavarësisht një kthese të shpejtë, trajneri mund të ketë dëshirën e tij – pasi Ronaldo thuhet se do t’i nënshtrohet testeve mjekësore në klub të martën vetëm një ditë pasi fluturoi për në Arabinë Saudite.
Sipas Marca, Ronaldo do të zbarkojë në Riad të hënën në mbrëmje përpara se të prezantohet zyrtarisht si lojtar i Al Nassr të nesërmen para tifozëve, me kusht që të kalojë të gjitha testet mjekësore.
Stadiumi 30,000 vendësh i Al Nassrit, Mrsool Park, është i përgatitur dhe gati për të zbuluar nënshkrimin e ri të klubit për një turmë tifozësh të emocionuar të martën.
Sipas gazetës saudite Arriyadiyah, Al Nassr është gati të ‘të organizojë një festë’ në të njëjtin nivel me prezantimin e Real Madridit të Ronaldos në vitin 2009.
Mësohet se veterani do të qëndrojë në një hotel luksoz në kryeqytet, ndërsa kërkon të gjejë një shtëpi komode në Riad./Telegrafi