Connect with us

Lajme

Reagon Vuçiç pas rekrutimit masiv të serbëve nga “Wagneri” rus, bën kinse po ndjen keqardhje!

Publikuar

me

Këshilltari i Departamentit të Shtetit, Derek Chollet, kishte shprehur sesi grupi rus “Wagner” po rekruton serbë për të luftuar në Ukrainë në krahun e forcave pushtuese ruse.

Këto shqetësime Chollet i ka shfaqur më 12 janar, gjatë vizitës në Beograd.

“Ne kemi parë që Grupi Wagner po përpiqet të rekrutojë ushtarë nga Serbia dhe vende të tjera [dhe] besojnë se kjo nuk duhet të vazhdojë. E di që këtu ka shqetësim për këtë. Ne kemi shprehur shqetësimet tona. Pres me padurim të bashkëpunoj me qeverinë në Beograd – siç kemi bërë me vendet e tjera, për t’i dhënë fund një aktiviteti të tillë”, kishte thënë ai.

E Beogradi “ka reflektuar” në këtë drejtim, së paku në mënyrë deklarative.

Gjiganti mediatik “Reuters”, ka transmetuar një deklaratë të presidentit të Serbisë, Aleksandar Vuçiq, i cili ka kërkuar nga grupi rus “Wagner” që të mos rekrutojë serbë për luftën në Ukrainë.

Vuçiq kritikoi faqet e internetit të Rusisë dhe grupet e mediave sociale për publikimin e reklamave në gjuhën serbe në të cilat grupi Wagner thërret vullnetarët që t’i bashkohen radhëve të tij.

“Pse ju, nga Wagner, telefononi dikë nga Serbia kur e dini se kjo është kundër rregulloreve tona?” ka thënë Vuçiq, transmeton Reuters.

Mediumi vazhdon duke treguar se vullnetarët serbë morën pjesë në luftime së bashku me forcat pro-ruse në Ukrainë në 2014 dhe 2015. Askush nuk ka një ide të qartë të numrave të saktë në çdo kohë, por dhjetëra serbë janë regjistruar për të luftuar në Ukrainë që nga viti 2014, thonë vëzhguesit.

“Legjislativi serb ndalon pjesëmarrjen e qytetarëve të saj në konfliktet jashtë vendit dhe disa persona janë dënuar për këtë”, tregon mediumi.

Vuçiç mohoi akuzat se grupi Wagner, i udhëhequr nga Evgeny Prigozhin, një aleat i ngushtë i presidentit rus Vladimir Putin, ka një prani në Serbi ku organizatat pro-Kremlinit dhe ultranacionaliste kanë mbështetur pushtimin e Ukrainës.

Reuters tregon se Serbia është vend kandidat për t’u integruar në Bashkimin Evropian.

Por e transmeton edhe lidhjen e ngushtë ruso-serbe mbi bazën e sllave dhe ortodokse.

Vullnetarët serbë në Zaporizhinë e pushtuar: Erdhëm për të mbështetur vëllezërit rusë

Vullnetarët e parë serbë në rajonin e Zaporozhyes filluan t’i nënshtrohen trajnimit luftarak në rajon si pjesë e Batalionit të Vullnetarëve Sudoplatov, raportoi RIA Novosti.

Kjo e dëshmon edhe një herë që anën e kujt janë serbët, duke nisur nga politika në krye me presidentit Aleksandar Vuçiqi e deri tek vullnetarët e mercenarët. Serbia vazhdon të jetë i vetmi vend në Evropë që nuk i ka vendosur ende sanksione Rusisë pas invazionit në Ukrainë.

“Vullnetarët serbë, së bashku me luftëtarët nga Rusia, po marrin pjesë në të gjitha stërvitjet luftarake në një nga terrenet stërvitore të rajonit të Zaporozhye për pjesëmarrje të mëtejshme në një operacion special ushtarak”, raporton RIA Novosti.

“Ne erdhëm për të mbështetur vëllezërit rusë, pasi i kujtojmë mirë ngjarjet që ndodhën në Jugosllavi në vitet nëntëdhjetë. Kujtojmë padrejtësinë që NATO tregoi ndaj Serbisë dhe situatës në Kosovë. Prandaj, ne kemi ardhur të mbështesim popullin rus në luftën e tyre”, tha një nga vullnetarët serbë të etiketuar “Danub” për agjencinë ruse.

Vullnetarët e parë serbë në rajonin e Zaporozhye filluan t’i nënshtrohen trajnimit luftarak në rajon si pjesë e Batalionit të Vullnetarëve Sudoplatov, raportoi RIA Novosti.

“Vullnetarët serbë, së bashku me luftëtarët nga Rusia, marrin pjesë në të gjitha stërvitjet luftarake në një nga terrenet stërvitore të rajonit të Zaporozhye për pjesëmarrje të mëtejshme në një operacion special ushtarak”, thuhet në deklaratë.

“Ne erdhëm për të mbështetur vëllezërit rusë, pasi i kujtojmë mirë ngjarjet që ndodhën në Jugosllavi në vitet nëntëdhjetë. Kujtojmë padrejtësinë që NATO tregoi ndaj Serbisë dhe situatës në Kosovë. Prandaj, ne kemi ardhur për të mbështetur popullin rus në luftën e tij”, tha një nga vullnetarët serbë me etiketën “Danub” për RIA Novosti.

“Ajo që po ndodh në Ukrainë janë vëllezërit tanë sllavë, por për fat të keq ata janë të okupuar dhe në fakt janë një armë në duart e Perëndimit kundër Rusisë”, shtoi ai. Siç tha “Danubi”, populli serb është në dijeni të ngjarjeve që ndodhin në zonën e CVO dhe shumica e qytetarëve serbë ndjekin atë që po ndodh.

Një luftëtar serb me shenjën e thirrjes “Sava” tha për RIA Novosti-n se në batalionin e vullnetarëve ka një marrëdhënie vëllazërore ndaj Serbisë – “bashkëluftëtarë rusë”, ka “mirëkuptim të plotë të ndërsjellë dhe unitet pikëpamjesh”.

“Tani qëllimi ynë kryesor është të jemi së bashku me vëllezërit tanë rusë, të mësojmë, trajnojmë dhe adoptojmë përvojën e vëllezërve tanë,” tha Sava kur u pyet se cilat janë qëllimet e pjesëmarrjes në konflikt dhe sa kohë ai dhe shokët e tij planifikojnë të qëndrojnë. .

“Ne do të jemi këtu derisa të përfundojë lufta, sa të duhet” – tha luftëtari serb.

Sot ai kujton se agjencia ruse TASS ka shkruar të premten se vullnetarët serbë iu bashkuan batalionit të Pavel Sudoplatov, i cili po formohet në rajonin e Zaporozhyes. /Ballkani.info

Reklama