Reagon Vuçiç lidhur me deklaratat e presidentit turk Erdogan se do të loboj për njohje të reja të Kosovës: “Turqia është supërfuqi, Erdogani…”

HomeRajoni

Reagon Vuçiç lidhur me deklaratat e presidentit turk Erdogan se do të loboj për njohje të reja të Kosovës: “Turqia është supërfuqi, Erdogani…”

Presidenti i Serbisë, Aleksandar Vuçiç, ka thënë të mërkurën se do të bisedojë me presidentin turk, Recep Tayyip Erdogan, lidhur me paralajmërmin e këtij të fundit rreth lobimit për njohje të reja për shtetësinë e Kosovës.

“Turqia është superfuqi, Erdogani është lider i madh. Unë do të përpiqem të flas me të. Deri më 1 shtator e kemi për detyrim që të përmbahemi nga lob.imi, por nëse ata fillojnë para kësaj periudhe… Turqia është supefuqi, Erdogani është i madh, unë jam i vogël dhe i papërfillshëm, por Serbia nuk është aq e vogël sa të mos përpiqet që ta kundërshtojë këtë çështje”, ka thënë Vuçiç gjatë një vizite në Manastirin Mansija në zonën perëndimore të Serbisë.

Serbia, me Marrëveshjen e Uashingtonit të 4 shtatorit, 2020, ka marrë obligim që ta ndalë fushatën për tërheqjen e njohjeve të Kosovës, ndërsa Kosova ka marrë mbi vete obligimin që të mos aplikojë për anëtarësim në orga.nizata ndërkombëtare për një vit.

Presidenti turk, Erdogan, ka thënë më 19 korrik se do të punojë për t’i sjellë Kosovës njohje të reja.

Sipas agjencisë së lajmeve Reuters, Erdogan u ka thënë mediave turke se shpreson se çështjen e njohjes ndërkombëtare të Kosovës do ta hapë në bisedimet me presidentin amerikan, Joe Biden, gjatë Asamblesë së Përgjithshme të Kombeve të Bashkuara, këtë vjeshtë.

Erdogan ka thënë se do të propozojë një punë të përbashkët mbi këtë çështje, për të rritur numrin e vendeve që e njohin Kosovën.

Kosova ka shpallur pavarësinë në vitin 2008.Serbia, qysh në vitin 2017, thuhet se bën fushatë diplomatike për tërheqjen e njohjeve të shtetit të Kosovës. Si pasojë e këtij lobimi, disa vende thuhet se i kanë ngrirë raportet e bashkëpunimit me Kosovën.

COMMENTS