fbpx

Raporti i BBC flet për më shumë se 900 ushtarë të forcave elitare ruse të vrarë në Ukrainë që nga fillimi i luftës

HomeLajmeBota

Raporti i BBC flet për më shumë se 900 ushtarë të forcave elitare ruse të vrarë në Ukrainë që nga fillimi i luftës

Gjatë gjashtë muajve, ushtria ruse humbi mijëra ushtarë në Ukrainë. Vlerësimet e numrit të ushtarëve rusë të vrarë në Ukrainë ndryshojnë, por ajo që ka rëndësi nuk është vetëm numri i përgjithshëm i ushtarëve të vrarë, por se kush u vra konkretisht dhe kush janë ata, shkruan BBC në raportin hetimor, duke cituar ekspertë perëndimorë dhe rusë.

BBC thekson se arriti të dokumentojë se Rusia humbi më shumë se 900 ushtarë të njësive elitare, për stërvitjen e të cilave u shpenzuan vite përpjekje dhe miliona dollarë, përcjell abcnews.al.

Raporti i BBC: Më shumë se 900 ushtarë të forcave elitare

Sipas vlerësimeve të ekspertëve perëndimorë dhe rusë, trupat e ushtrisë ruse nuk ishin gati për të kryer veprime sulmuese. Si rezultat, objektivat që i caktoheshin normalisht këmbësorisë për t’i arritur duhej të kryheshin nga njësitë e forcave speciale, marinsat dhe parashutistët.

Këto njësi, të cilat tradicionalisht konsiderohen si njësitë elitare të ushtrisë ruse, pësuan humbje të konsiderueshme gjatë pushtimit gjashtëmujor të Ukrainës. Dhjetëra pilotë të Forcave Ajrore u vranë gjithashtu. Sipas ekspertëve, zëvendësimi i të gjithë këtyre ushtarëve të forcave elitare ruse do të jetë problematik.

Sipas hetimit të shërbimit rus të BBC-së, humbjet e këtyre njësive elitare janë si më poshtë: 337 marinsa u vranë, 245 burra të njësive speciale të Gardës Kombëtare Ruse, 151 burra të shërbimeve sekrete ushtarake (GRU ), 144 burra që ishin dy regjimente elitare të Ministrisë së Brendshme, 67 pilotë të Forcave Ajrore dhe 20 burra të Shërbimit Federal të Sigurisë (FSB) dhe Shërbimit Federal të Mbrojtjes (FSO).

BBC thekson se shifrat për këto viktima janë dhënë në bazë të listës së vdekjeve të konfirmuara ushtarake, të cilën BBC e përpilon në bashkëpunim me faqen e internetit Mediazona dhe një grup vullnetarësg që nxjerrin të dhëna nga burime të hapura.

Në kohë paqeje, forcat e sigurisë të Gardës Ruse zakonisht specializohen në shpërndarjen e demonstratave, si dhe në operacione për të kapur një person specifik ose grupe të vogla të armatosura në vendbanime të ndryshme në Rusi. Pavarësisht kësaj, Garda Kombëtare u dërgua në Ukrainë që në ditën e parë të pushtimit. Nga 1 shtatori bëhet me dije për vdekjen e 245 punonjësve të Gardës Kombëtare, shumica prej tyre punonjës të forcave speciale (forcat speciale, SOBR dhe OMON).

x