fbpx

Pyetje e papritur për Kurtin në Estoni, gazetarët ia përmendin Specialen kryeministrit

HomeLajmeKosovë

Pyetje e papritur për Kurtin në Estoni, gazetarët ia përmendin Specialen kryeministrit

Kryeministri i Kosovës, Albin Kurti sot në Estoni ka mbajtur një konferencë për media.

Nga gazetarët, Kurti është pyetur për Gjykatën Speciale dhe rolin e saj, si dhe në atë nëse duhet të ketë një institucion të tillë sipas tij për krimet e Rusisë në Ukrainë, shkruan lajmi.net.

E Kurti ka kujtuar shifrat e viktimave të luftërave të tmerrshme që Serbia ka shkaktuar në ish-Jugosllavi, dhe faktin që një numër shumë i vogël i serbëve janë dënuar për to.

“Në ish-Jugosllavi janë të vrarë mbi 150 mijë, kroatë, shqiptarë, boshnjakë, në Serbi as 150 njerëz s’kanë shkuar prapa grilave. BE-ja, vendet demokratike nuk mund të mbështeten në gjykatat e një vendi të vetëm. Ish-Jugosllavia kishte një Tribunal të veçantë që ka sjellë disa rezultate, por mbetet shumë punë për të bërë”, ka thënë Kurti.

“Vetëm në Kosovë janë vrarë 10 mijë civilë, 10 përqind e tyre fëmijë. Ne nuk ndjejmë që drejtësia është përmbushur. Ne do të forcojmë institucionet tona në Kosovë për dënimin në absencë. Paqja pa drejtësi nuk mund të arrihet. Duhet të ketë Tribunal ndërkombëtar për viktimat e agresionit rus dhe invazionit që filloi muaj më parë”, ka thënë në fund Kurti. /Lajmi.net