fbpx

Prokuroria jep detaje për aksionin “Brezovica 6”, shtatë të arrestuar në Prishtinë dhe Podujevë

HomeLajmeKosovë

Prokuroria jep detaje për aksionin “Brezovica 6”, shtatë të arrestuar në Prishtinë dhe Podujevë

Policia në bashkëpunim me organet e drejtësisë është duke zhvilluar një aksion për rastin Brezovica.

Lajmi u konfirmua nga zëdhënësi i policisë Baki Kelani.

“Policia e Kosovës, konfirmon se në bashkëpunim dhe koordinim me organet e drejtësisë ka vazhduar realizimin e operacionit policor “Brezovica 6”, ku informacionet dhe detajet rreth këtij operacioni, do të bëhen të ditura pas përfundimit” – tha Kelani.

Ndërsa, Prokurori i çështjes, Rasim Maloku tha se deri tash janë arrestuar shtatë persona, ndërsa aksioni ka njoftuar se me urdhër të Prokurorisë është kryer në dy lokacione: Prishtinë dhe Podujevë.

Lidhur me rastin e njohur si “Brezovica” deri më tani në burgje janë 30 persona, përfshirë këtyre zyrtarë të lartë të shtetit në lidhje me ndërtimet e mbi 500 vilave e hoteleve në zonën e mbrojtur të maleve.

x