Profesori e godet Edi Ramën, pasi kryeministri shqiptar nuk kujtoi masakrën e Reçakut!

1 minute, 16 seconds Read

Reçaku është një nga dëshmitë kryesore që na kujton rrënjët dhe çmimin e lirisë sonë.

Në 24 vjetorin e Masakrës së Reçakut, nderojmë 45 shqiptarët civil të masakruar nga forcat e Serbisë.

E gjatë ditës së sotme të gjith shqiptarët kanë kujtuar këtë masakër të Reçakut, por jo edhe kryeministri i Shqipërisë, Edi Rama.

Përmes një postimi në Facebook, profesori universitar, Enver Bytyçi ka shkruar në lidhje me këtë ngjarje.

Ai tha se “para një viti kryeministri i Shqipërisë bëri një status për Reçakun! Në vend të akuzonte Serbinë për atë masakër, ai në atë status fliste për UÇK-në, më saktë për Hashim Thaçin”.

“Sivjet e harroi Reçakun Edi Rama! Pse e harroi? Sa më shumë ecim në kohë, aq më shumë shtohet vasaliteti i kryeministrit të Shqipërisë ndaj presidentit të Serbisë”, shtoi tutje profesori.

Postimi i plotë

Para një viti kryeministri i Shqipërisë bëri një status për Reçakun! Në vend të akuzonte Serbinë për atë masakër, ai në atë status fliste për UÇK-në, më saktë për Hashim Thaçin. Se çfarë lidhje kishte Hashimi me Reçakun, një zot e di! Nuk e përmendte as ambasadorin Ëalker!

Sivjet e harroi Reçakun Edi Rama! Pse e harroi? Sa më shumë ecim në kohë, aq më shumë shtohet vasaliteti i kryeministrit të Shqipërisë ndaj presidentit të Serbisë!

Publikime te ngjashme