“Nuk e vrau varka, por shteti”, nis protesta e shoqërisë civile për vdekjen e 7-vjeçares në Himarë

HomeLajmeShqiperi

“Nuk e vrau varka, por shteti”, nis protesta e shoqërisë civile për vdekjen e 7-vjeçares në Himarë

KLa nisur grumbullimi i personave që po marrin pjesë në protestën që do zhvillohet para Ministrisë së Brendshme, e thirrur kjo nga Shoqëria Civile nën moton: “Nuk e vrau varka, por shteti”.

Kjo protestë vjen pas tragjedisë së ndodhur në plazhin e Potamit në Himarë, ku vogëlushja 7-vjeçare Jonada Avdia, u aksidentua për vdekje nga një skaf që drejtohej nga komisari Arjan Tase, i cili më parë kishte mbajtur edhe postin e kreut të Komisariatit të Himarës.

Ndërkohë kujtojmë se përgjatë këtyre ditëve, janë mbajtur homazhe, me qirinj e lule, në vendin ku e vogla humbi jetën, si dhe para Kryeministrisë.

Po ashtu edhe Dom Gjergj Meta organizoi ditën e djeshme një marshim homazh në Shëngjin, që nisi nga Kisha e Shëngjinit në orën 19:00 dhe vijoi përgjatë bregdetit, ku qytetarët mbajtën lule dhe qirinj në duar.

Në mbështetje të kësaj proteste ka dalë edhe Partia Demokratike, si dhe Partia e Lirisë.

295939031 620872929393813 7197032750520729950 N

x